Dúnıege kelgen sábılerge dop syıǵa beriledi
ASTANA. 2 jeltoqsan. QazAqparat - Brazılııada erteń, 3 jeltoqsan kúni 2014 jyly fýtboldan Álem chempıonatynyń jańa dobynyń tusaýkeseri ótedi. Sol sebepti bul kúni dúnıege esigin ashqan nárestelerge álem birinshiliginiń doby syıǵa beriledi.
Ol úshin týrnırdi uıymdastyrýshy 12 qalada ata-analar týý týraly kýáligin kórsetý arqyly ala dopty tegin alady. Uıymdastyrýshylar «Árbir brazılııalyq dúnıege doppen keledi» degen sózdi marketıngtik turǵyda dáleldeı túspek, dep jazady kazsporttv.kz.
Esterińizge sala keteıik, 2014 jyly fýtbol Álem chempıonaty Brazılııanyń 12 qalasynda 12 maýsym men 13 shilde aralyǵynda ótedi. Fınaldy Rıo-De-Janeıro qalasyndaǵy ataqty «Marakana» stadıony qabyldaıdy.
