Dúnıege kelgen astanalyq sábılerge 17 zattan turatyn jıyntyq tabystalady
ASTANA. QazAqparat - Astana ákimdigi jańa dástúr qalyptastyrdy. Endi elordada dúnıege kelgen árbir sábıge ómiriniń alǵashqy kezeńinde qajetti zattary bar jıyntyq tabystalady, dep habarlaıdy QazAqparat Elorda ınfo saıtyna silteme jasap.
Syılyq jıyntyǵy 17 zattan turady: toqyma keýdeshe, toqylǵan bas kıim, qolǵaptar, toqylǵan jamylǵy, 2 jaıalyq, 2 jeıde, 2 telpek, 4 jup shulyq, konvert, sábıdiń aljapqyshy, sómke t.b. Balanyń alǵashqy aıynda qajetti bul zattardyń barlyǵy otandyq ónim.
Aıta keteıik, kún saıyn elordada 70-80 sábı dúnıege keledi.
