Dúnıe júzindegi azyq-túlik ónimderiniń besten bir bóligi qoqysqa ketedi
ASTANA. KAZINFORM — Álemde 800 mıllıonnan astam adam azyq-túlik tapshylyǵynan zardap shegedi. Sonymen birge, BUU-nyń qorshaǵan ortany qorǵaý baǵdarlamasynyń málimeti boıynsha óndirilgen azyq-túlik pen azyq-túlik qaldyqtarynyń 19 paıyzy qoqysqa ketedi.
Adamzat dúnıejúzindegi azyq-túlik óndirisiniń besten bir bóligin ysyrap etedi. Bul týraly BUU-nyń qorshaǵan orta jónindegi baǵdarlamasynyń 2022 jyly jınalǵan derekterinde aıtylǵan.
Qaldyqtardyń basym bóligi (60%) úı sharýashylyqtarynan shyǵady. Ár adam jyl saıyn 79 keli tamaq nemese tamaq qaldyqtaryn tastaıdy.
Sarapshylar jer sharynda segiz júz mıllıonǵa jýyq adam azyq-túlik tapshylyǵynan zardap shegetinin basa aıtady.
Baıandama avtorlary atap ótkendeı, azyq-túlik qaldyqtary jahandyq ekonomıkaǵa zııanyn tıgizip otyr ári klımattyń ózgerýine, tabıǵı ortanyń lastanýyna jáne buzylýyna yqpal etedi.
