Dúnıe júzine shokolad tapshylyǵynyń qaýpi tónýde
ASTANA. 27 jeltoqsan. QazAqparat - Tátti taǵamdarǵa suranys jyldam ósýde, al qartaıǵan kakao aǵashtarynyń ónim berýi nasharlap barady. Sondyqtan da mamandar shokolad tapshylyǵy oryn alady dep boljaýda, dep jazady segodnya.ua.
Dúnıejúzilik kakao uıymy statıstıkalyq bólimshesiniń basshysy Loran Pıpıtonnyń baǵalaýynsha, dúnıe júzine shamamen 70 myń tonna tátti ónim jetispeıtin bolady.
Osylaısha, bir tonna kakaonyń quny 2014 jyldyń sońyna deıin orta eseppen 15%-ǵa, ıaǵnı, 3200 dollarǵa deıin ósedi dep boljanýda. Kakao burshaqtarynyń jetispeýi iri ár túrli shokolad ónimderin óndirýshilerdiń shyǵyndaryn ulǵaıtady.
Atlanttaǵy GreenHaven Commodity Services basshysy Eshmed Prıngl Azııadaǵy asa qymbat tátti taǵamdarǵa suranys óte joǵary ekendigin habarlady.
Atap aıtqanda, tek qana Qytaıda shokolad satylymy dúnıe júzindegi iri shokolad tutynýshy bolyp tabylatyn Batys Eýropadaǵy satylymnyń ósý qarqynynan asyp túsip, ótken on jyldyqqa qaraǵanda eke eseden artyq ósken.
