Dúnıe júzinde folkloryn 100 tomǵa jınap, bastyryp shyǵarǵan álemdegi jalǵyz ult - qazaq
Sondyqtan, 100 tomdyq «Babalar sózi» jınaǵynyń tusaýyn álemdik deńgeıde kesý qajet. Búgin Parlament Májilisiniń jalpy otyrysynda Úkimet basshysynyń atyna saýal joldaǵan depýtat Aldan Smaıyl osylaı málim etti.
Óz saýalynda depýtat Memleket basshysy bastama bolǵan «Mádenı mura» baǵdarlamasy aıasyndaǵy eń iri joba - Qazaq folklorynyń 100 tomdyq «Babalar sózi» jınaǵyn shyǵarý jumysy aıaqtalǵanyn atap ótti. Onyń aıtýynsha, mundaı basylym álem mádenıetiniń tarıhynda buryn-sońdy bolǵan emes.
«Dúnıe júzinde folklory 100 tomdy quraıtyn ult bar bolsa bar shyǵar, biraq folkloryn 100 tomǵa jınap, bastyryp shyǵarǵan álemdegi jalǵyz ult - qazaq qana. Bul jahandyq deńgeıde máni bar oqıǵa, bul tek maqtanysh etetin rýhanı jetistik. Sondyqtan da Bilim jáne ǵylym mınıstrliginiń M. Áýezov atyndaǵy Ádebıet jáne óner ınstıtýtynda álemdik deńgeıdegi folklor Seıit Qasqabasovtyń jetekshiligimen basyp shyǵarylyp, jetesine jetkizilgen, «Folıant» baspasynda kórkem bezendirilip, sapaly basylǵan «Babalar sózi» serııasynyń aıaqtalýy memleket ómirindegi eleýli rýhanı beles retinde qarastyrylýy kerek», - deıdi A. Smaıyl.
Onyń aıtýynsha, osy oqıǵaǵa tıisinshe mán berilip, úkimettik deńgeıde kóńil bólinýi eldiń ishi-syrtynda laıyqty nasıhattalýy qajet.
«Atap aıtqanda, 100-tomdyqtyń ıÝNESKO shtab-páterinde Maındaǵy Frankfýrt qalasynda tusaýkeserin ótkizý, álem tilderindegi salmaqty jurnaldarda ǵylymı maqalalar jarııalaý, osy oqıǵaǵa baılanystyrylǵan halyqaralyq ǵylymı konferentsııalar uıymdastyrý, dúnıejúzindegi eń tanymal kitaphanalardyń qorynda osy qundy basylymnyń bolýyn qamtamasyz etý qajet. Osyndaı aýqymdy da ózekti sharalardy atqarý boıynsha Bilim jáne ǵylym, Mádenıet jáne aqparat, Syrtqy ister mınıstrlikterine tıisti tapsyrmalar berilse», - deıdi depýtat A. Smaıyl.