«Dúnıe kúıip ketse de»: Órtenip jatqan kóliktiń qasynda er adam alańsyz kóshe sypyryp júr
ALMATY. QazAqparat - Órtengen BMW X5 qasynda kóshe sypyryp júrgen jumysshynyń salqynqandylyǵy ınternet paıdalanýshylaryn tańqaldyrdy, dep habarlaıdy QazAqparat tilshisi.
Bul vıdeo Instagram jelisindegi kris_p_almaty pablıginde jarııalandy.
Nazarbaev-Raıymbek kósheleriniń qıylysynda BMW X5 kóligi órtke oranǵan.
Al joldyń bergi betinde er adam alańsyz kóshe sypyryp júr.
Qoldanýshylar er adamnyń is-áreketine qatysty neshetúrli pikir qaldyrdy. Biri «maǵan osy jigittiń salqynqandylyǵyn berse ǵoı» dep jatsa, chadievna_.g esimdi jeli qoldanýshysy «Bul aýla sypyrýshyǵa mashına ne keregi bar? Oǵan ómiri mańyzdy. Atylyp ketse, onyń semıasyn kim asyraıdy?» dep jazǵan.
Qalalyq TJD habarlaýynsha, tótenshe jaǵdaı 08:32-de oryn alǵan. Kóliktiń motor bóliginde órt tutanǵan.
Órtti 08:34-de aýyzdyqtaý múmkin boldy. Tilsiz jaý 3 sharshy metr aýmaqty sharpydy.
Kólik ıesi órtten zardap shekken joq.
