Dúnıe halqynyń úshten biri joqshylyq azabyn tartyp otyr - BUU
ASTANA. QazAqparat - Álemdegi 2,2 mlrd. adam kedeıshilik sheginde ómir súrip jatyr. Bul týraly Birikken Ulttan Uıymy Damý Baǵdarlamasynyń baıandamasynda aıtylady.
BUU deregi boıynsha álemde shamamen 1,2 mlrd. adam kún saıyn 1,25 dollarǵa jetpeıtin qarajatqa kúnin kórip otyr. Sonymen qatar, álemniń 91 elindegi 1,5 mlrd. adam kedeıliktiń túrli saldarynan japa shegedi - olar densaýlyq saqtaý, bilim berý, «ómirlik standarttar» sekildi áleýmettik jeńildikterge qoljetimdilik úshin kúresýde.
«Al kedeılikten japa shegetinderdiń arasynda 842 mln. adam toıyp tamaq ishe almaı, júıeli túrde asharshylyqqa urynyp otyr. Bul álem halyqtarynyń 12 paıyzyn quraıdy», - delingen BUU baıandamasynda. Budan bólek, álem halyqtarynyń 80 paıyzy jumyssyzdyǵy úshin jáne zeınetaqymen qamtamasyz etilmese, 800 mln. adam «kedeılik sheginde» turǵan kórinedi.
