Dúnıe esigin búgin ashqan náreste Fılıppınniń 100 mıllıonynshy azamaty atandy
ASTANA. QazAqparat – Djennalın Sentıno (Jennalyn Sentino) esimdi náreste Fılıppınniń 100 mıllıonynshy azamaty dep tanylyp otyr.
Ol 27 shildede túnde arhıpelagta týǵan júz balanyń biri, dep habarlaıdy Agence France - Presse .
«Bul bizdiń aldymyzda turǵan múmkindik jáne jańa shaqyrýlar. Sebebi halyq sanynyń ósýi, jumys kúshin arttyrady, bir jaǵynan memleket asyraýshylarynyń sany da kóbeıe túspek degen sóz. Sebebi elimizde 25 paıyz halyq kedeıshilikte ómir súredi», - deıdi Fılıppınniń halyq sanaǵy komıssııasynyń atqarýshy basshysy Hýan Antonıo Peres.
Kishkentaı qyzdyń ákesi 45 jastaǵy júk kóliginiń júrgizýshisi Klımente Sentıno óz balasyn ǵana emes, sonymen qatar onyń anasyn da asyraı alatyndyǵyn aıtýda. Aıtpaqshy, Klemente men onyń 27 jastaǵy zaıyby Daılın Sabıgaıan resmı túrde úılenbegen. «Biraq ol olqylyqty túzetý josparda bar», - deıdi ol.
