Dýman Orazalın Beıjińnen Qazaqstanǵa ekstradıtsııalandy
ASTANA. 12 qazan. QazAqparat. 1 qazanda QR Bas prokýratýrasy Qazaqstannyń Qytaıdaǵy Elshiligi jáne Qytaı Halyq Respýblıkasy quqyq qorǵaý organdarynyń qoldaýymen Dýman Orazalındi Beıjińnen Qazaqstanǵa ekstradıtsııalady,
dep habarlady búgin Bas prokýratýranyń baspasóz qyzmeti.
Ony Qazaqstan Respýblıkasy Qylmystyq kodeksiniń 228 (ókilettikterdi teris paıdalaný) jáne 232 (mindetterine adal qaramaý) baptarymen qarastyrylǵan qylmystardy jasaǵany úshin Shyǵys Qazaqstan oblysynyń ІІD izdeý jarııalaǵan bolatyn.
Atap aıtqanda, D. Orazalın Óskemen qalasyndaǵy «Kaspıı Bank» AQ fılıalynyń dırektory bolyp júrip, ókilettikterin teris paıdalaný arqyly bankke 47 mln teńgeden astam somaǵa zalal keltirgen.
Júrgizilgen izdestirý jumystarynyń nátıjesinde D.Orazalın Bas prokýratýranyń suraýy boıynsha Qytaı astanasynda qytaılyq bılik ókilderimen ustalyp, Qazaqstan quqyq qorǵaý organdaryna berildi.
Qazirgi ýaqytta ol Almaty qalasyndaǵy tergeý ızolıatorynda.
Tergeý amaldary júrgizilýde.
