Dýma Boko Botsvana prezıdenti qyzmetine resmı túrde kiristi

ASTANA. KAZINFORM — Botsvananyń astanasy Gaborondaǵy Ulttyq stadıonda kóptegen adam osy Afrıka eliniń altynshy prezıdenti retinde Dýma Bokonyń ınaýgýratsııasyna kýá boldy, dep habarlaıdy Sınhýa aqparat agenttigi.

Saltanatty rásim kezinde Dýma Boko onyń úkimeti azamattardyń qoldaýymen jarqyn bolashaq quratynyna ýáde berdi.

«Biz bárimiz qalaǵan Botsvanany jasaımyz. Sizder maǵan kúsh pen úmit berdińizder, men sizderge kúsh pen úmitti myń ese qaıtarýǵa daıynmyn», — dedi ol.

D. Boko ózine deıin prezıdent bolǵan Mokvetsı Masısıdi bılikti esh kedergisiz tabystaǵanyn aıtyp, bul eldegi demokratııanyń kórinisi dep atady.

Sondaı-aq ol ulttyq birlikke jáne jańa úkimetti Botsvana halqynyń ómirin jaqsartý mandatyn oryndaýda qoldaýǵa shaqyrdy, ár azamatty ekonomıkany qurýda óz rólin atqarýǵa shaqyrdy.

Saltanatty rásimge Botsvanaǵa kórshiles elderdiń basshylary men joǵary laýazymdy tulǵalarynyń kópshiligi, sonyń ishinde Zımbabve prezıdenti Emmerson Mnangagva, Namıbııa Prezıdenti Nangolo Mbýmba, Zambııa Prezıdenti Hakaınde Hıchılema jáne Ońtústik Afrıka Respýblıkasynyń vıtse-prezıdenti Pol Mashatıle qatysty. Rásimge basqa Afrıka elderiniń ókilderi de qatysty.

Buǵan deıin habarlaǵanymyzdaı, Botsvana prezıdenti Germanııaǵa 20 myń pil jiberemin dep qorqytty.