Dýlat Bekbaýov Strandja kýbogynyń chempıony atandy

ASTANA. KAZINFORM – Bolgarııa astanasy Sofııa qalasynda ótip jatqan Strandja kýbogynyń fınalynda qazaqstandyq boksshy Dýlat Bekbaýov qarsylasyn utyp, Qazaqstan qorjynyna altyn medal syılady.

Atap aıtsaq, 67 kelige deıingi salmaqta el namysyn qorǵaǵan otandasymyz fınalda úndistandyq Radjatpen judyryqtasyp, qarsylasyn aıqyn basymdyqpen utyp chempıon atandy.

Aıta keteıik, osyǵan deıin 51 keli salmaqta Sanjar Táshkenbaı atalǵan týrnırde kúmis medal enshilese, 80 kelige deıingi salmaqta Tursynbaı Qulahmet jartylaı fınalda qytaılyq qazaq boksshysy Toqtarbek Tańatqannan utylyp, qola medaldi mise tutqan bolatyn.

Jalpy Strandja kýbogynda Qazaqstannan 51 kelide Sanjar Táshkenbaı, 54 kelide Dáýlet Moldashev, 57 kelide Orazbek Asylqulov, 60 kelide Rýslan Kúzeýbaev, 63,5 kelide Erasyl Tańqaı, 67 kelide Dýlat Bekbaýov, 71 kelide Talǵat Shaıken, 75 kelide Nurqanat Raıys, 80 kelide Tursynbaı Qulahmet, 86 kelide Abzal Quttybekov qatysqan bolatyn.

Osylaısha 10 boksshymyzdyń úsheýi 1 altyn, 1 kúmis, 1 qola medal jeńip aldy.

Al 2023 jyly ótken jarysta Orazbek Asylqulov (57 keli) – kúmis jáne Nurqanat Raıys (75 keli) – qola júldeger atanǵan bolatyn.