Dýlat Aıtjanov «QazAgro» UBH-nyń» jańa tóraǵasy bolyp taǵaıyndaldy

ASTANA. 13 qyrkúıek. QazAqparat - «QazAgro» Ulttyq basqarý holdıngi» AQ basqarmasynyń tóraǵasy bolyp Dýlat Aıtjanov taǵaıyndaldy.

Holdıngtiń jańa basshysyn ujymǵa búgin QR Aýyl sharýashylyǵy mınıstri Asyljan Mamytbekov tanystyrdy.

 Buǵan deıin D.Aıtjanov QR Premer-Mınıstri birinshi orynbasarynyń keńesshisi bolyp jumys istegen.

 D.Aıtjanov 1968 jyly Almatyda dúnıege keldi. Almaty memlekettik ýnıversıtetin «zańger» mamandyǵy boıynsha támamdady. Túrli jyldary «Qazkommertsbank» AQ zań bóliminiń bastyǵy, Aýyl sharýashylyǵy vıtse-mınıstri, «QazAgroQarjy» AQ basqarmasynyń tóraǵasy bolyp jumys istegen.

 «Qurmet» ordenimen, «Qazaqstan Konstıtýtsııasyna 10 jyl» medalimen marapattalǵan.

 Úılengen. Eki qyz jáne eki ul balany tárbıeleýde.  

Holdıngtiń burynǵy basshysy Berik Beısenǵalıev qyzmetinen óz erkimen bosatyldy. Mınıstr onyń basqa jumysqa aýysatyndyǵyn aıtty.