Dýlat Aǵadildiń denesinde zorlyq-zombylyq belgileri anyqtalǵan joq – prokýratýra
«25 aqpan kúni Nur-Sultan qalasynyń Polıtsııa departamenti Aǵadildiń kóz jumý jaǵdaıy boıynsha sotqa deıingi tergeý amaldaryn bastady. Dál sol kúni barlyq mán-jaıdy zertteýdiń shynaıylyǵyn qamtamasyz etý maqsatynda qylmystyq is Nur-Sultan qalalyq prokýratýrasynyń arnaıy prokýrorlarynyń óndirisine qabyldandy», - dep habarlady elorda prokýratýrasynan.
Atap ótilgendeı, kóz jumǵan D.Aǵadildiń otbasynyń advokaty bergen ótinish boıynsha 26 aqpan kúni ózderi (otbasynyń) shaqyrǵan jeke sot sarapshylarynyń (A. Aqanbekov, R.Satybaldıev) qatysýymen marqumnyń denesine zertteý júrgizilgen.
«Onyń nátıjesi boıynsha, jumyldyrylǵan mamandar Aǵadildiń ólimine júrek-qantamyrynyń ótkir jetkiliksizdigi sebep bolǵanyn anyqtady. Denesinde zorlyq-zombylyqtan bolatyn qandaı da bir jaraqattar anyqtalmady. Іske tartylǵan sarapshylar, sonymen qatar onyń baýyry men advokaty tarapynan eskertý nemese ótinish berilgen joq. Sot saraptamasynyń qorytyndysy laboratorııalyq zertteý nátıjesi boıynsha beriledi. Sotqa deıingi tergeý amaldary jalǵasýda», - dep habarlaıdy vedomstvodan.