Dúkenshi nárestelerin muzdatqyshta saqtaǵany úshin aıyptalýda
ASTANA. 24 qazan. QazAqparat - Reseıde jańa týylǵan eki nárestesin óltirip, olardy birneshe jyl boıy muzdatqyshta saqtady degen aıyppen kúdikti dúkenshige qatysty qylmystyq isti tergeý aıaqtaldy. Bul týraly VVS habarlady.
Sverdlov oblysy prokýratýrasy baspasóz qyzmetiniń habarlaýynsha, jaqyn arada atalǵan dúkenshi áıel sot aldynda jaýap beredi. Ol «dármensiz jaǵdaıdaǵy eki adamdy asa qatygezdikpen óltirý» baby boıynsha aıyptalyp otyr.
Tergeý nusqasyna qaraǵanda, 2007 jyldyń jazynda atalǵan áıel Sredneýralsk qalasyndaǵy kommýnaldyq páterde medıtsınalyq kómeksiz náresteni dúnıege ákeldi. Kelesi kúni tańerteń ol balany qapshyqqa orap, dúkendegi muzdatqysh kameraǵa ornalastyrady. Eki jyldan keıin ol taǵy bir balany týady. Osy joly da dúkenshi náresteni muzdatqyshqa alyp barady.
Atap aıtqanda, gastronom qyzmetkerleri eki náresteniń denesin tek bıylǵy 14 mamyrda tekserý júrgizý kezinde anyqtady.
