Dúkennen syra alyp, aqshasyn tólemegen júrgizýshini polıtsııa qýyp júrip ustady

Nur-Sultan qalalyq polıtsııa departamentiniń málimetinshe, búgin saǵat 12:35-te 102 nómirine qońyraý túsip, eki azamattyń dúkennen alǵan taýarǵa aqsha tólemeı ketkeni habarlanǵan.

«Birneshe mınýttan keıin dál osyndaı habarlama taǵy bir dúkennen tústi. Belgisiz eki adam dúkennen 2 banki syra alyp, aqshasyn tólemeı, «Toıota Kamrı» kóligine otyryp, ketip qalǵan», - delingen taratylǵan aqparatta.

Polıtsııa qyzmetkerleri Jedel basqarý ortalyǵy beınebaqylaý kamerasynyń kómegimen kúdiktilerdi Qorǵaljyn tasjoly boıynan baıqaǵan.

«Toıota Kamrı» kóliginiń júrgizýshisi polıtsııanyń zańdy talabyna baǵynbaı jol erejesin óreskel buzǵan.

Joldyń qarsy betine shyǵyp, baǵdarshamnyń qyzyl túsine de toqtamaı qashqan.

Sol arqyly jol qozǵalysynyń ózge de qatysýshylarynyń ómiri men densaýlyǵyna qaýip tóndirgen.

«Qabyldanǵan sharalardyń nátıjesinde patrýldik polıtsııanyń mamandandyrylǵan batalony 30 jastaǵy jigit júrgizgen kólikti Shubar yqshamaýdanynda ustady. Salonda júrgizýshimen birge 33 jastaǵy jolaýshy bolǵan. Kýálandyrý nátıjesinde júrgizýshiniń ortasha deńgeıde mas bolyp kólik aıdaǵany anyqtaldy. Kólik kommýnaldyq avtoturaqqa qoıyldy», - dep atap ótedi departamentten.

Skrın ız vıdeo