Dúkennen shyryn men chıps urlaǵany úshin qaraǵandylyqtyń 2 jylǵa bostandyǵy shekteldi
QARAǴANDY. 1 qarasha. QazAqparat - Dúkennen shyryn jáne chıps urlaǵany úshin Qaraǵandy oblysy Sátpaev qalasynyń turǵyny sot aldynda jaýapqa tartyldy, dep habarlady Qaraǵandy oblystyq sotynyń baspasóz qyzmeti.
«Sottalýshy urlyq jasaýǵa árekettengeni úshin kináli dep tanyldy. Sot oǵan qatysty 2 jylǵa bostandyǵyn shekteý týraly sheshim shyǵardy. Sottalýshy arnaıy organdardyń ruqsatynsyz turaqty meken-jaıyn, oqýy men jumys ornyn ózgerte almaıdy. Sondaı-aq onyń belgili bir oryndarǵa barý quqyǵy shektelgen», - deıdi oblystyq sottyń baspasóz qyzmetinde.
Sonymen qatar, sottyń sheshimimen ol tátti taǵamdar dúkeniniń ıesine keltirgen shyǵyny úshin 82 myń teńge tóledi.
Іstiń materıaldaryna sáıkes, 20 jastaǵy jigit túnde tátti taǵamdar satatyn dúkenniń terezesin syndyryp kirgen. Ol dúkennen aqsha izdegen, alaıda oljasy tabylmaǵan soń sóredegi zattarǵa kózi túsken. Jas jigit 410 teńge turatyn úsh paket shyryn men 150 teńgelik chıpsty alyp ketedi. Polıtsııa qyzmetkerleri ony qylmys jasaǵan jerinde ustady.
Sot úkimi zańdy kúshine engen joq.
