Dúkeni men dárixanasy az jerde bızneske jeńildik jasaımyz - Isekeshev
ASTANA. QazAqparat - Astana qalasynyń ákimi Áset Isekeshev azyq-túlik dúkenderi men dárixanalary az jerlerde ondaı bıznesti ashýǵa nıet tanytqan kásipkerlerge jeńildik jasaýǵa daıyn, dep habarlaıdy QazAqparat tilshisi.
"Biz qala boıynsha 129 sektordy anyqtap aldyq. Árbir sektorda shamamen 10 myń adam turady. Olardyń turatyn jerine qaramastan, árbir adam úshin tıisti qyzmetter teń bolýy qajet, ıaǵnı qoljetimdi bolýy kerek. Osyǵan oraı, 32 áleýmettik standart ázirlendi. Máselen, qazir qalanyń keıbir jerlerinde balabaqshalar, dárixanalar men dúkender jetispeı jatyr. Sondyqtan biz ózimizdiń barlyq kommýnaldyq múligimizdi konkýrsqa shyǵaratyn bolamyz. Sonyń ishinde ǵımarattardaǵy nysandar da bar. Sóıtip, áleýmettik mańyzy bar qyzmetter. Mysaly, "Dáriger janyńyzda" jobasy aıasynda ashylatyn medıtsınalyq ortalyqtar men emhanalar úshin nysandy jalǵa alýdyń jeńildetilgen mólsherin qoıamyz. Sondyqtan bıznes úshin biraz jeńildikter bolady", - dedi Isekeshev Astana qalasy kásipkerleriniń jyl saıynǵy konferentsııasynda.
Qala basshysynyń aıtýynsha, 2020 jylǵa deıingi Astanany damytý baǵdarlamasyna birqatar ózgerister engizildi. Negizgi maqsat - xalyqtyń ál-aýqatyn kóterý. Osy oraıda bızneske jan-jaqty qoldaý kórsetý qarastyrylǵan.
