Dúkenderdiń 20 kúnge jabylatyny týraly jalǵan habarlama taratqan Shymkent turǵyny ustaldy

TÚRKІSTAN. QazAqparat – Túrkistan oblysynda azyq-túlik dúkenderiniń 20 kúnge jabylatyny týraly jalǵan habarlama tartqan turǵyn ustaldy. Áleýmettik jeliler men messendjerlerdegi beınejazbada ol tipti jergilikti turǵyndardyń azyq-túlikke baılanysty talasyp jatqandyǵyn aıtqan, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, bul jaıt Arys qalasynda tirkelgen. Polıtseılerdiń jedel-izdestirý sharalarynyń nátıjesinde jalǵan aqparattyń avtory men beınejazba taratýshysynyń jeke basy anyqtalǵan. Ol Shymkent qalasynyń turǵyny bolyp shyqty.

«Er adamnyń Arys qalasyna qyzmet barysynda kelgeni anyqtaldy. Qazirgi ýaqytta atalǵan jaıt boıynsha istiń barlyq mán-jaıy anyqtalýda»,- delingen habarlamada.

Polıtsııa bólimshesine jetkizilgen soń, ustalǵan azamat óz erkimen beınejazba arqyly Qazaqstan azamattary men Arys qalasynyń turǵyndarynan keshirim surady.