Dúkenderdegi sadaqa jáshikterin urlaǵan alaıaq ustaldy
ALMATY. QazAqparat – Almatyda sadaqa jáshikterin qoldy etken adam ustaldy, dep habarlaıdy QazAqparat tilshisi.
Qalalyq Polıtsııa departamentiniń habarlaýynsha, ury dúkenderdi aralap ózin qaıyrymdylyq qorynyń múshesi retinde tanystyrǵan. Sóıtip sadaqa jáshikterin alyp ketip otyrǵan. 31 jastaǵy jigit buǵan deıin de qylmystyq jaýapkershilikke tartylǵan.
«Bul jáshikter kóbinese naýqas balalardy emdeýge aqsha jınaý úshin qoıylǵan. Ury ony alyp ketip óz maqsatyna jaratqan. Ol osyndaı 4 dúkennen jáshikterdi alyp ketken. Qazir polıtsııa kúdiktiniń basqa da qylmystarǵa qatystylyǵyn tekserip jatyr. Onyń ústinen QR QK 190-baby boıynsha qylmystyq is qozǵaldy. Kúdikti ýaqytsha oqshaýlaǵyshqa qamaldy», - dedi Túrksib aýdany polıtsııa basqarmasy basshysynyń orynbasary Tımýr Mýlınov.
