Dúkende satylǵan vaflıden egeýquryqtyń ýy tabyldy
ASTANA. 31 qańtar. QazAqparat - Kemerov oblysynda Polshadan ákelinetin kondıterlik táttilerdiń satylýyna baqylaý kúsheıtildi,
dep habarlady RBK.
Bul BAQ-ta Eýropada polshalyq Magnolia kompanııasynyń kondıterlik táttileriniń satylymnan alyp tastalǵany jóninde paıda bolǵan aqparattan keıin oryn aldy. Importer-fırmanyń eskertkenindeı, reseılikterge de satylǵan vaflılerdiń quramynda egeýquryqtyń ýy bolýy ábden múmkin. Egeýquıryqtyń ýy kezdeısoq vaflıdiń quramyndaǵy qurǵaq sútke aralasyp ketken.
«Atalmysh Magnolia kompanııasynan habarlanǵandaı, kásiporyn shyǵarǵan vaflıdiń quramynda egeýquıryqtyń ýy bolýy múmkin. Aldyn ala derekter boıynsha, qaýipti hımıkattar kondıterlik táttilerdi jasaý úshin qoldanylatyn qurǵaq súttiń quramynda bolýy múmkin», - dep habarlandy Kýzbas ákimshiliginiń baspasóz qyzmetinen.
Kemerov oblysynyń gýbernatory Sergeı Kýznetsov qala, aýdan basshylaryna jáne saýda júıeleriniń jetekshilerine táttilerdi satýda baqylaýdy kúsheıtýdi tapsyrdy. Egeýquıryqtyń ýy qosylǵan vaflı Slovakııa, Chehııa, Germanııa jáne Lıtvadaǵy dúkenderdiń sórelerinen alynyp tastaldy.
