Dúken tonaǵan qostanaılyq polıtsııaǵa óz erkimen keldi
QOSTANAI. QazAqparat - Qostanaıdaǵy «Topolek» dúkenin tonaǵan úshinshi kúdikti kinásin moıyndady, dep habarlaıdy QazAqparat oblystyq ІІD baspasóz qyzmetine silteme jasap.
«3 naýryz kúni dúken tonaǵan úshinshi kúdikti ýchaskege ózi kelip, kinásin moıyndady. Ol 23 jasta. Tergeý jumystary júrgizilip jatyr», - dedi ІІD baspasóz hatshysy Irına Bejenar.
Eske salsaq, belgisiz bireýler 27 aqpanda saǵat 04:00 shamasynda qala ortalyǵyndaǵy «Topolek» dúkenin tonap ketken. Qostanaı qalasy ІІB tergeý bóliminiń bastyǵy Rýslan Jurqabaev dúkennen 200 myń teńge aqshalaı qarajattyń qoldy bolǵanyn aıtty.
