Dúken tonaǵan qylmyskerdi der kezinde ustaǵan polıtseıler marapattaldy
ORAL. KAZINFORM – Oralda qaraqshylyq shabýyl jasaǵan kúdiktini ustaǵan polıtseıler marapattaldy. Bul týraly ІІM baspasóz qyzmeti habarlady.
Batys Qazaqstan oblysy PD bastyǵy Arman Orazalıev qarýly qylmyskerdi ustaý kezinde batyldyq pen kásibılik tanytqan polıtsııa kapıtany Erkebulan Jumaqashev pen polıtsııa starshınasy Berik Lýkpanovty «Qazaqstan polıtsııasyna 30 jyl» tósbelgisimen marapattady.
Eske sala ketsek, 31 shilde kúni Oral qalasyndaǵy dúkenderdiń birinde betperde kıgen er adam satýshyny pyshaqpen qorqytyp, kassadaǵy aqshany alyp ketken.
Jedel-izdestirý barysynda kúdikti qysqa ýaqyt ishinde ustalyp, qylmys ashyldy.
Oqıǵa saldarynan eshkim zardap shekken joq.
Aıta keteıik, polıtseıler sheteldikterdiń Qazaqstanda zańdy júrgenin tekserýge mindetteldi.
