Sherzat isi: sotta dúken kamerasyna túsken oqıǵanyń tolyq beınejazbasy kórsetildi
TALDYQORǴAN. KAZINFORM – Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda Sherzat Polattyń ólimine baılanysty sot otyrysy ótip jatyr.
Sotta «Qamajaı» dúkeniniń beınekameralary túsirip alǵan oqıǵanyń tolyq beınejazbasy kórsetildi. Beınejazba boıynsha memlekettik aıyptaýshy, jábirlenýshilerdiń qorǵaýshylary jáne sottalýshylardyń advokattary sotqa óz eskertpelerin aıtty.
Beınejazbada Darhan Áskentaıdyń dúkenge kelgen sátinen bastap janjal aıaqtalǵan soń, Qarjaýbaı Nurymovtyń kólikke otyrǵanǵa deıingi sát beınekamera rakýrsy boıynsha kórsetilgen.
Sýdıa Erjan Januzaqov beınejazba kórsetilgennen keıin úzilis jarııalady. Kelesi sot otyrysy 15 mamyr kúni saǵat 10:00-de ótedi.
Eske salaıyq, búgin sotta aıyptalýshy Darhan Áskentaıdan jaýap alyndy.
Sottalýshy ózine taǵylǵan aıyppen taǵy da kelispedi.
Sottalýshylardyń advokattary prokýrordy aýystyrýdy ótindi.
Sot prokýrordy aýystyrýdan bas tartty.
Buǵan deıin prokýror oqıǵanyń tolyq hronologııasyn baıandady.
Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵan edik.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
2024 jyldyń jeltoqsan aıynda Talǵar mańynda Sherzat aǵasynyń denesi tabyldy.