Dýglas Jýnıor ulttyq qurama sapyna qosyldy
ASTANA. KAZINFORM - Fýtzaldan 2026 jylǵy Eýropa chempıonatyna irikteý kezeńindegi Qazaqstan jáne Armenııa kezdesýine ulttyq qurama oıynshysy Dýglas Jýnıor qatysatyn boldy.
Bul jóninde Qazaqstan fýtbol federatsııasy málim etti.
Atalǵan oıyn 12 naýryzda elorda ýaqytymen 19:50-de bastalyp, «Qazsport» telearnasynan tikeleı efırde kórsetiledi.
Eki qurama altynshy topta synǵa túsip jatyr. Qazir týrnır kestesinde bes týrdan keıin 13 upaımen Armenııa birinshi orynda tur. Al Qazaqstannyń enshisinde 10 upaı jazylǵan.
Bul kezdesýde jeńimpaz bolǵan qurama qurlyqtyq dodanyń fınaldyq satysyna tikeleı joldama alady.
2026 jyly Latvııa men Lıtva elderinde ótetin Eýropa chempıonatynyń fınaldyq kezeńine tikeleı joldama alý úshin Qazaqstan quramasyna Armenııamen kezdesýde úsh upaı aýadaı qajet. Toptyq kezeńde ekinshi oryn alǵan qurama 2025 jyldyń qyrkúıek aıynda ótetin ótpeli oıyndary arqyly joldamaǵa talasady.
Aıta ketsek, qazirge deıin Qazaqstan quramasy irikteý kezeńinde bes oıyn ótkizdi.
Aldymen Albanııany 2:0 esebimen jeńse, odan keıin Armenııamen 4:4 esebimen teń oınady.
Úshinshi kezdesýinde Danııadan 2:3 esebimen jeńilip qalsa, óz alańynda atalǵan qarsylasyn 7:3 esebimen tize búktirgen edi. Besinshi oıynda Albanııadan 4:2 esebimen basym tústi.