Dýglas «Qaıratpen» kelisimshartyn 7 jylǵa uzartty
ASTANA. QazAqparat - Dýglas «Qaıratpen» kelisimshartyn 7 jylǵa uzartty, dep jazady Massaget.kz
«Qaırat» fýtzal klýby ulttyq qurama oıynshysy Dýglaspen jetijyldyq kelisimshartqa qol qoıdy. Jańa kelisimshart boıynsha ol almatylyq ujymnyń namysyn 2023 jylǵa deıin qorǵaıtyn bolady.
28 jastaǵy oıynshy «Qaırat» sapyna 2014 jyly qosylǵan bolatyn. Odan bergi aralyqta komandamen eki ret el chempıony, el kýbogynyń ıegeri atandy. Sondaı-aq, ÝEFA kýbogy, álem Sýperkýbogy men Eremenko kýbogynda da jeńis tuǵyrynan kórindi.
Dýglas Jýnıor da Sılva Qazaqstan ulttyq quramasynda da baq synap keledi. 2016 jylǵy Eýropa chempıonatynyń qola júldegeri. Kolýmbııada ótken álem chempıonatynda komandamen 1/8 fınalǵa deıin jetti.
