Duǵa oqyǵany úshin aqsha suraǵan ımam jumystan bosatyldy

ASTANA. QazAqparat - Atyraý oblysynda din qyzmetkeriniń etıkasyn buzyp, dinı boryshyn durys oryndamaǵany úshin ımamdy jumystan bosatty, dep jazady mgorod.kz.

Qazaqstan musylmandarynyń dinı basqarmasynyń baspasóz qyzmeti habarlaǵandaı, Sársenbaı Kenjebaev din qyzmetkeriniń etıkasyna saı kelmeıtin áreketke jol bergen. Imam duǵa oqyǵany úshin aqsha suraǵan. Osy derek boıynsha Qazaqstan musylmandarynyń dinı basqarmasy shuǵyl tekseris ótkizdi.

«Din qyzmetkeriniń etıkasy» qujatynda kórsetilgen talaptardy, sondaı-aq senip tapsyrylǵan dinı boryshyn durys oryndamaǵany úshin Sársenbaı Kenjebaev Bas múftı Erjan qajy Malǵajyulynyń 2017 jyldyń 10-qańtar kúngi buıryǵymen qazirgi qyzmetinen bosady», - dep habarlady basqarmanyń baspasóz qyzmeti.

Eske sala keteıik, Sársenbaı Kenjebaev Atyraý oblysy Qurmanǵazy aýdany Eńbekshi aýylyna 2012 jyldyń 30-qarasha kúni ýaqytsha ımam bolyp taǵaıyndalǵan bolatyn.