Dýblınge ushqan ushaqtyń jolaýshysy kórshisin tistep, odan keıin qaıtys boldy

ASTANA. QazAqparat - Aer Lingus áýe kompanııasynyń EI485 reısimen Lıssabonnan Dýblınge ushqan ushaqtyń bortynda jolaýshy qaıtys boldy. The Irish Independent-tiń habarlaýynsha, oqıǵa jeksenbi, 18 qazan kúni oryn alǵan.

Dýblınge ushqan ushaqtyń jolaýshysy kórshisin tistep, odan keıin qaıtys boldy

Eki saǵattyq ushý kezinde 24 jastaǵy er adam úreıi ushyp, qasynda otyrǵan kórshisin tistep aldy. Ekıpaj músheleri aqylǵa qonymsyz áreket jasaǵan jolaýshynyń qoldaryn burap tastady, al áýe kemesiniń kapıtany shuǵyl qoný ótinishin jasaǵan. Kóp uzamaı, er adam ózin nashar sezinip, esinen tanǵan.

Airbus A320-200 áýe kemesi saǵat 17:40-ta (Máskeý ýaqytymen saǵat 19:40) Irlandııanyń Kork áýejaıyna shuǵyl qonǵan, dep jazady Lenta.rý . The Irish Mirror-dyń habarlaýynsha, sol ýaqytqa deıin jolaýshy jantásilim etken. Ushaqtyń trapyna kelgen dárigerler tistelgen er adamdy qarap shyqty. Ol aýrýhanaǵa jetkizildi.

Ushaqtyń bortynda 168 jolaýshy men ekıpajdyń alty múshesi bolǵan. Olar Dýblınge avtobýstarmen jetkiziledi.

Aldyn ala málimetterge qaraǵanda, qaıtys bolǵan er adam Irlandııanyń azamaty emes, ol eldegi JOO-nyń biriniń stýdenti bolǵan.