Dýblınde túsik jasatýǵa resmı túrde ruqsat berýge qarsy sherýler ótti
ASTANA. 20 qańtar. QazAqparat - Irlandııanyń Dýblın qalasynda 25 myńnan astam sherýshi túsik jasatýǵa qatysty úkimettiń josparlaryna qarsylyq bildirý maqsatynda kóshelerge shyqty.
Aktsııa «Ómir úshin erýilder» atty qarqyn alyp kele jatqan is-sharasynyń bir bóligi bolyp tabylady, dep habarlaıdy Bı-Bı-Sı.
Ereýil barysynda Dýblınniń katolıktik arhıepıskopy Dıarmýd Martın «analardyń qursaǵynda jatqan sábıler úshin» arnaıy shirkeýlik rásimin ótkizdi.
Bir mezgilde jasandy túsikti qoldaýshylar Irlandııa kóshelerinde ózderiniń aktsııalaryn ótkizdi. Dýblın polıtsııasynyń málimetinshe, olardyń qatysýshylarynyń sany 200 adamnan asyp jyǵyldy.
Ótken aıda Irlandııa úkimeti ananyń ómirine qaýip bolǵan jaǵdaıda áıelderge júktilikterin jasandy túrde toqtatýǵa ruqsat berýge daıyn ekendigin jarııalady. Mundaı sheshim qabyldaýǵa túsik jasatýǵa ruqsattyń berilmeýinen bolǵan jas áıel Savıta Halappanavardyń ólimi sebep boldy.
Atap óteıik, Irlandııa halqynyń deni túsikterge oń qaramaıtyn katolızm dinin ustanady. Tórt katolıktik arhıepıskop úkimettiń josparyn synǵa alyp úlgerdi.
