Dýblınde Eýropa saıası qaýymdastyǵynyń sammıti ótip jatyr

ASTANA. KAZINFORM — Beısenbi kúni Dýblınde Eýropa saıası qaýymdastyǵynyń (European Political Community) sammıti bastaldy, dep habarlaıdy Kazinform agenttiginiń EO-daǵy menshikti tilshisi.

Sammıt Evropeıskogo polıtıcheskogo soobşestva prohodıt v Dýblıne
Foto: Trend.az

Sammıt Dýblındegi Convention Centre Dublin ortalyǵynda Irlandııa premer-mınıstri Mıhol Martın men Eýropa Keńesiniń prezıdenti Antonıý Koshtanyń tóraǵalyǵymen ótip jatyr.

«Eýropa: Kúshti, qaýipsiz jáne baılanysy berik» taqyrybymen ótip jatqan sammıtke EO jáne EO-ǵa kirmeıtin elderden shamamen 50 memleket jáne úkimet basshylary qatysyp jatyr. Shaqyrylǵan qonaqtardyń qatarynda Ýkraına prezıdenti Vladımır Zelenskıı, Frantsııa prezıdenti Emmanýel Makron, Germanııa kantsleri Frıdrıh Merts, Ulybrıtanııa premer-mınıstri Endı Bernem, NATO Bas hatshysy Mark Rıýtte jáne Kanada premer-mınıstri Mark Karnı (arnaıy qonaq retinde) bar. Sondaı-aq, Eýropa Komıssııasynyń prezıdenti Ýrsýla fon der Lıaıen, EO ınstıtýttarynyń basshylary da is-sharada otyr.

Eýropa saıası qaýymdastyǵynyń formaty 2022 jyly Emmanýel Makronnyń bastamasymen qurylǵan. Ol EO elderi men olardyń eýropalyq kórshileri arasynda mindetti qujattardy qabyldamaı-aq beıresmı saıası dıalog júrgizýge múmkindik beredi.

Sammıtte negizinen Ýkraınaǵa qatysty jaǵdaıǵa basa nazar aýdarylady. Kóshbasshylar sonymen qatar eýropalyq qaýipsizdik, ekonomıkalyq básekege qabilettilikti nyǵaıtý, energetıkalyq yntymaqtastyq, ınnovatsııa jáne demokratııany qorǵaý máselelerin talqylaıdy.

Sammıtti shaqyrǵan Irlandııa qazir Eýropa Keńesine tóraǵalyq etip otyr. El tarıhyndaǵy osynaý eń iri dıplomatııalyq is-shara keń aýqymdy kúzet operatsııasyn qajet etedi. Sondyqtan Dýblınniń ortalyǵynda kólik qozǵalysy men qoǵamdyq kólikke aıtarlyqtaı shekteýler engizildi.

Erteń, 13 qarashada, EO memleket jáne úkimet basshylarynyń beıresmı kezdesýi bolady. Onda jasandy ıntellekt (kóshbasshylar deńgeıindegi alǵash ret) jáne Eýropadaǵy qaýipsizdik máseleleri talqylanbaq.

Eske sala keteıik, qazan aıynyń sońynda Monrealda 21-shi EO-Kanada sammıti ótken bolatyn.