Dýbaıǵa kelgen myńdaǵan sheteldikter Islam dinin qabyldaǵan
ASTANA. QazAqparat - Sanmen órnektelegen sanaqqa kóz júgirter, bolsaq, tek sońǵy aılardyń ózinde ǵana dýbaı ámirligine kelgen myńdaǵan sheteldikter Islam dinin qabyldaǵan.
Bul týraly www.muslim.kz saıty habarlady.
Dar ýl-Ber memlekettik uıymynyń Islam aqparattyq ortalyǵynyń dırektory Rashıd ál-Djýnabıdyń aıtýynsha, arnaıy kelip asyl dinimizdi qabyldaǵandardyń sany qańtar aıynda 205 adam, aqpan aıynda - 238 adam, naýryz aıynda - 237 adam, sáýirde 383 adamdy quraǵan. Atalmysh ortalyqqa kún saıyn júzdegen jandar ártúrli suraqtarǵa jaýap izdep bas suǵyp, dárister alyp qaıtatyn kórinedi.
Sondaı-aq, ártúrli halyqaralyq konferentsııalar men uıymdar basqosýy kezinde Islam dininiń qundylyqtaryna qanyǵyp, Alla jolyna túskenderdiń sany birshama artatyny baıqalǵan. Mysaly, musylmandardyń halyqaralyq sezi qarsańynda 250-den astam adam musylman atanǵan.
Uıymda tirkelgen málimetterge súıensek, sheteldikter arasynda Islam dinin qabyldaýda Fılııpın araldary men Qytaı, Úndistan, Taıland, Kamerýn, Kenııa, Nıgerııa, AQSh, Italııa, Germanııa, Brıtanııa, Irlandııa, Shrı-Lanka, Avstralııa, Mıanma, Sırııa, Iordanııadan kelgenderdiń úles salmaǵy basym.
Atalmysh uıymǵa kelip ıslam dinin qabyldap, musylman atanǵandar qatary 2013 jyly - 2115, al 2012 jyly 1907 adamdy quraǵan.
