Dýbaıǵa H Dúnıejúzilik ıslam ekonomıkalyq forýmynyń delegattary kelýde
DÝBAI. QazAqparat - Seısenbi Dýbaıda álemniń 100-den astam eli ókilderiniń qatysýmen 10-shy Dúnıejúzilik ıslam ekonomıkalyq forýmy ótedi.
Aýqymdy shara Dýbaı ámiri sheıh Mohammed bın Rashıd Al Maktýmnyń jeke qamqorlyǵymen ótip, 2 myńnan astam qatysýshyny, sonyń ishinde joǵary shendi birqatar basshylardyń, belgili sarapshy-ekonomıster men bıznes jetekshileriniń basyn qosady.
Forýmnyń negizgi taqyryby «Ekonomıkalyq ósýdegi ınnovatsııalyq seriktestik» bolyp tabylady. Forým «Madınat Djýmeıra Dýbaı» kórikti kesheninde ótip, úsh kúnge jalǵasady.
«Biz Dýbaıǵa kelgen Dúnıejúzilik ıslam ekonomıkalyq forýmyna kelýshi delegatardyń bárine qýanyshtymyz. Keń aýqymdy halyqaralyq jıyn, ásirese aldyńǵy qatardaǵy álemniń birneshe memleketiniń, ekonomıkalyq sarapshylar men qyzyǵýshylyq bildirgen taraptardyń kelýi 10-shy DIEF-ti ınnovatsııalyq seriktestikter úshin platformaǵa aınaldyrady», - dedi Dýbaıdyń saýda-ónerkásip palatasynyń tóraǵasy Abdýrahman Saıf Al Gýreır.
10-forýmǵa qatysady dep kútiletin qurmetti qonaqtar: Qazaqstan Respýblıkasynyń Prezıdenti Nursultan Nazarbaev, Malaızııanyń Premer-Mınıstri Nadjıb Týn Razak, Bangladesh Prezıdenti Merılend Abdýl Hamıt, Shyǵys Tımordyń Premer-mınıstri Reı Kala Hasana Gýsmao, Lıýksembýrg Premer-Mınıstri Ksave Bettel, Seıshel araldarynyń vıtse-prezıdenti Dennı For, Tájikstan Premer-Mınıstriniń orynbasary Azım Ibragım jáne Islam damý bankiniń prezıdenti Ahmad Mohamed Álı.RR
