Dýbaıǵa 3D saıahat jasaǵyńyz kelse...
ASTANA. QazAqparat - Endi úıde kompıýterińizdiń aldynda otyryp-aq Dýbaıǵa saıahat jasaı alasyz, dep habarlady www.muslim.kz.
Álem turǵyndaryna arnalǵan erekshe jobany Birikken Arab Ámirlikteri bir jarym jyl daıyndaǵan. Dýbaıdyń tamasha kelbetin 360 gradýsta kórsetetin vırtýaldy saıahatty ınternet arqyly iske asyrylady.
Dubai360 ataýymen shyqqan jańa jobaǵa 1,3 myń panoramaly foto-beınerolıkter engizilgen. Interaktıvti týrda eldiń mádenı qundylyqtarymen, sanjuldyzdy meımanhanalarmen, kólik qurylymdary jáne áýejaılarymen jaqynyraq tanysýǵa bolady. Al qala kelbetin shynaıy kórsetý úshin onda 500 myńnan asa sýretter júktelgen.
