Dýbaıdyń polıtsııa bastyǵy Izraıl premerin tutqyndaýdy talap etti
ASTANA. Naýryzdyń 3-i. QazAqparat - Dýbaı polıtsııasynyń basshysy «Hamas» jetekshileriniń biri Mahmud ál-Mabhýhtyń Dýbaıda óltirilýi týraly is boıynsha Izraıl premeri Bınıamın Netanıahý men «Mossad» arnaıy qyzmetiniń basshysy Meıra Dagandy tutqyndaýdy talap etti.
Polıtsııa basshysy, joǵarydaǵy qylmystyń artynda Izraıl barlaýynyń turǵanyna senimdi bolǵandyqtan, ol Izraıl premeri men arnaıy qyzmet basshysyn tutqyndaýǵa order berý týraly prokýrorǵa saýal jasaıtynyn málimdedi, dep habarlady RBK.
Izraıl ókimeti ázirge bul faktini ne rastap, ne teris shyǵaryp, eshqandaı málimdeme jasaǵan joq,
Naýryzdyń 1-inde Mahmud ál-Mabhýhtyń óliminiń mán-jaıy málim bolǵan edi. Dýbaı polıtsııasynyń anyqtaýynsha, janalǵyshtar «Hamas» jetekshisine aldymen bulshyq et relaksantyn ekken, sóıtip ony óz ólimimen kóz jumǵanǵa uqsatyp jastyqpen tunshyqtyryp óltirgen.
Esterińizge sala keteıik, Mahmud ál-Mabhýhtiń óli denesi Dýbaı oteliniń nómirinde qańtardyń 19-y kúni tabylǵan bolatyn. Izraıl ony Irannan Gaz sektorynan qarý-jaraq jetkizilimin úılestirýmen aınalysady dep aıyptap kelgen edi.
