Dýbaıdyń halyqaralyq áýejaıy jumysyn toqtatty
ASTANA.KAZINFORM - Dýbaı halyqaralyq áýejaıy óz jumysyn toqtatty.
Bul týraly Dýbaı úkimetiniń BAQ keńsesi áleýmettik jelidegi paraqshasynda habarlady.
-Jolaýshylardyń, áýejaı qyzmetkerleriniń jáne áýe kompanııalary ekıpajdarynyń qaýipsizdigin qamtamasyz etý úshin Dýbaı halyqaralyq áýejaıynyń (DXB) jumysy ýaqytsha toqtatyldy. Barlyq protsedýralar belgilengen qaýipsizdik hattamalaryna sáıkes júrgiziledi, - delingen málimdemede.
Anadolu agenttigi Birikken Arab Ámirlikteriniń (BAÁ) Qorǵanys mınıstrligine silteme jasaı otyryp, eldiń áýe qorǵanys júıeleri Irannan keletin ballıstıkalyq zymyrandar men dron qaýipterine qarsy turyp jatqanyn habarlady.
Mınıstrliktiń málimdemesinde BAÁ áýe qorǵanys júıeleri ballıstıkalyq zymyrandardy joıyp, áskerı ushaqtar drondar men qanatty zymyrandardy beıtaraptandyrǵany aıtylǵan.
Sondaı-aq, eldiń ártúrli bólikterinde estilgen jarylys dybystary áýe qorǵanys júıeleriniń ballıstıkalyq zymyrandardy, sondaı-aq áskerı ushaqtardyń drondar men zymyrandardy joıýymen baılanysty ekeni eskertildi.
Aıta keteıik, bir apta buryn Dýbaı áýejaıyna shabýyl jasalǵan bolatyn.