Dýbaıdan Taldyqorǵanǵa jetkizilgen 171 jolaýshydan koronavırýs anyqtalmady
TALDYQORǴAN. QazAqparat – 30 mamyrda Birikken Arab Ámirlikterinen Taldyqorǵanǵa ushyp kelip, Qapshaǵaı mańynda karantınge jatqyzylǵan 171 jolaýshynyń barlyǵynyń vırýsologııalyq zertteý nátıjesi taza bolyp shyqty, dep habarlaıdy QazAqparat tilshisi.
Olar búgin ákimdik tarapynan uıymdastyrylǵan arnaıy avtobýstarmen úılerine taratyldy.
Esterińizge sala keteıik, buǵan deıin Taldyqorǵanǵa BAÁ-nen 137 jolaýshysy bar ushaq qonyp, jolaýshylar eki kúndik karantınnen soń turǵylyqty mekenjaıyna qaıtqan bolatyn. Olardyń da barlyǵynyń analızi teris nátıje kórsetti.
