Dýbaıdan Panamaǵa ushatyn Emirates reısi álemdegi eń uzaq reıs bolmaq
ASTANA. QazAqparat - Emirates Airline áýekompanııasy 2016 jyldyń 1 aqpanynan bastap Dýbaı-Panama baǵyty boıynsha esh toqtaýsyz, álemdegi eń uzaqqa sozylatyn reısti iske qosady, dep habarlady Bloomberg agenttigi.
Uzyndyǵy 13821 km joldy júrip ótýge 17 saǵat 35 mınýt ýaqyt ketedi, bıletter quny $2,1 myń bastalady. Reıs osyǵan deıingi rekordshy bolǵan avstralııalyq Qantas áýetasymaldaýshysynyń Sıdneı-Dallas baǵytynan 17 km uzaǵyraq bolady.
Jolaýshylardy tasymaldaý boıynsha absolıýtty rekordty Boeing 777-200LR laıneri 2005 jyly ornatqan. Ol kezde 8 ekıpaj múshesi men 27 jolaýshy Gonkongtan Londonǵa deıin 21602 km ushyp ótti. Ushý ýaqyty 22 saǵat 22 mınýtty qurady.
