Dýbaıdan kelgen qazaqstandyqtan koronavırýs tabyldy
NUR-SULTAN. QazAqparat –Dýbaıdan kelgen qazaqstandyqtan koronavırýs anyqtaldy, dep habarlaıdy QazAqparat Sanıtarııalyq - epıdemıologııalyq baqylaý komıtetine silteme jasap.
2021 jyldyń 6 sáýirinde Qazaqstan Respýblıkasynyń aýmaǵyna Germanııa, Koreıa, Maldıv Respýblıkasy, BAÁ, Egıpet, Túrkııa, Ýkraına, Reseı Federatsııasy, Ózbekstan jáne Qyrǵyzstannan 31 halyqaralyq áýe reısi keldi.
4 388 áýe jolaýshylarynyń ishinde PTR-testileýdiń teris nátıjesi bar anyqtamamen 4367 adam, anyqtamasyz 21 QR azamaty keldi.
Onyń ishinde:
Almaty qalasynyń áýejaıyna – 15 reıs, 2 450 jolaýshy, anyqtamamen - 2 430, anyqtamasyz - 20;
Nur-Sultan qalasynyń áýejaıyna – 7 reıs, 748 jolaýshy, anyqtamamen - 747, anyqtamasyz - 1;
Shymkent qalasynyń áýejaıyna – 7 reıs, 915 jolaýshy anyqtamamen kelgen;
Aqtaý qalasynyń áýejaıyna – 2 reıs, 275 jolaýshy anyqtamamen kelgen.
Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.
2021 jyldyń 5 sáýirinde shetelden anyqtamasyz kelgen Qazaqstan azamattarynyń PTR taldaýlarynyń nátıjeleri týraly málimet
Anyqtamasyz kelgen 29 QR azamatynyń PTR-taldaý nátıjeleri boıynsha Dýbaı – Nur-Sultan reısimen kelgen bir jolaýshydan koronavırýstyq ınfektsııa anyqtaldy.
