Dýbaıdan Almaty oblysyna taǵy 168 adam ushyp keledi
TALDYQORǴAN. QazAqparat - Búgin Dýbaıdan taǵy bir reıspen 168 adam ushyp keledi. Olar Qapshaǵaı qalasynyń mańyndaǵy demalys oryndarynyń birine eki kúnge karantınge jatqyzylady, dep habarlaıdy QazAqparat tilshisi Almaty oblysy ákiminiń baspasóz qyzmetine silteme jasap.
Olarǵa demalys ornynyń aýmaǵynan tys jerge shyǵýǵa tyıym salynady. Karantın kezinde barlyq qajettiliktermen qamtamasyz etiledi. Al olardyń syrtqa shyqpaýyn arnaıy kúzet baqylaıdy.
Jolaýshylardan oblysqa kelgen bette COVID-19 ınfektsııasyna analızder alynyp, epıdemıologııalyq tekserýler jasalady. Tekserý nátıjelerine sáıkes arnaıy avtobýstarmen turǵylyqty jerlerine jetkiziledi.
Esterińizge sala keteıik, buǵan deıin Taldyqorǵanǵa BAÁ-nen 135 adam ushaqpen jetkizilgenin habarlaǵan bolatynbyz. Olardan alynǵan synama COVID-19 ınfektsııasyna teris nátıje berip, jolaýshylar eki kúndik karantınnen soń turǵylyqty jerlerine arnaıy kólikpen jetkizilgen edi.
