Dýbaıdan 306 otandasymyz elge jetti
ASTANA. KAZINFORM — FlyDubai áýe kompanııasy Dýbaıdan Almaty men Astanaǵa 306 jolaýshyny jetkizdi. Bul týraly Kólik vıtse-mınıstri Talǵat Lastaev aıtty.
Syrtqy ister mınıstriniń orynbasary Álibek Baqaevtyń málimetinshe, atalǵan reıstermen 28 aqpanda jáne 1-2 naýryzda ushaqqa bıleti bolǵanymen elge ushyp kele almaǵan otandastarymyz jetkizilgen.
— Birikken Arab Ámirlikteri áýe keńistigin jaýyp, ózge áýe kompanııalarymen shyǵarmaıdy. Al óziniń kompanııasyna jolaýshylar aldyndaǵy mindettemelerin oryndaýǵa múmkindik berip otyr. Sondyqtan keshegi reıster oryndaldy, — dedi mınıstr orynbasary Úkimet otyrysynan keıin.
Al kólik vıtse-mınıstri Talǵat Lastaev atalǵan reıstermen 306 otandasymyzdyń elge oralǵanyn, qajettilik týyndaǵanda Air Astana men Scat kompanııalarynyń 6 áýe kemesi atalǵan elden otandastyrymyzdy alyp kelýge daıyn ekenin aıtty.
— Qajetti rezerv — 6 áýe kemesine deıin bólýge jáne áýe keńistiginiń ashylýyna qaraı jolaýshylardyń bárin shyǵarýǵa daıynbyz. Bul Oman, Jıdda, Medınadaǵy jolaýshylardyń derekterine baılanysty. Jolaýshylardyń kelýine oraı áýe kemeleriniń sanyn retteımiz, — dedi Talǵat Lastaev.
Buǵan deıin Qazaqstan azamattary Iran aýmaǵynan jer joldar arqyly shyǵarylatynyn jazǵan edik.