Dýbaıdaǵy jıyrmasynshy jeńildikter festıvali ǵalamat sharalardyń biri bolmaq
ÁBÝ-DABI. QazAqparat - 2015 jyldyń alǵashqy kúni Dýbaıda jıyrmasynshy «Dubai Shopping Festival» saýda festıvali bastalady.
Tutas bir aı boıy dýbaılyq dúkenderde satyp alýshylarǵa kóptegen jeńildikter qarastyrylǵan, baǵaly júldeli lotereıalar oınatylady, olardyń qatarynda avtomobılder, ondaǵan keli altyn, iri aqshalaı syılyqtar, zergerlik áshekeıler jáne basqa da baǵaly júldeler bolmaq. Ámirlik megapolısiniń kóshelerinde karnavaldar men kontsertter ótedi, kún saıyn iri saýda ortalyqtarynda ártister mýzykalyq ujymdar óner kórsetedi.
Dýbaı ámirliginiń bılik oryndarynyń aıtýynsha, mereıtoılyq jıyrmasynshy festıval osy sharalardyń búkil tarıhyndaǵy orasan zor shara bolmaq. Dubai Shopping Festival kezinde barlyǵy 150 oıyn-saýyq sharalary kózdelgen, olarǵa iri qonaqúıler, saıabaqtar, kósheler men jaǵajaılar qatystyrylady.
Resmı statıstıkaǵa qaraǵanda, dýbaılyq saýda festıvalinde ámirliktegi jyldyq bólshek saýda satylymynyń 30 paıyzy keledi. Bólshek saýda BAÁ-degi eń serpindi damyp otyrǵan salalardyń biri. Taıaýdaǵy bes jyl ishinde onyń jyl saıynǵy ósiminiń qarqyny 12 paıyzdan asyp, 2017 jyly jyldyq satý kólemi 33 mlrd. dırhamǵa jetedi.
