Dýbaıdaǵy nóser qala tirshiligin «tunshyqtyrdy»
ÁBÝ-DABI. QazAqparat - Sársenbide Birikken Arab Ámirligindegi áleýmettik jeli paıdalanýshylary Ábý-Dabı men Dýbaıda bolǵan sel men nóser jaıly beıne materıaldar jarııalady, dep habarlady BAÁ-daǵy «QazAqparat» tilshisi.
Naqtyraq aıtqanda, Birikken Arab Ámirligindegi nóserden joldarda keptelis bolyp, kóptegen kompanııalar óz keńseleri men saýda alańdaryn jabýǵa májbúr boldy.
7 naýryzda Arab ámirliginde bastalǵan nóserden áli kúnge deıin kóptegen kompanııalar men memlekettik mekemeler, keńseler jumys istemeı tur.
9 naýryzda óz keńseleriniń ýaqytsha jabylǵany týraly ámirliktiń Saýda-Ónerkásip palatasy da resmı jarııalady.
«Etihad» áýe kompanııasynyń birneshe keńsesi jumysyn toqtatty.
Dýbaıdaǵy iri «Ibn Batuta Mall» saýda ortalyǵynyń kelýshileri áleýmettik jeli arqyly parkıngti sý basyp, saýda zalyna deıin jetkenin habarlady.
9 naýryzda kúndizgi saǵat ekide Dýbaıda Global Village jármeńkesi jabylǵanyn habarlady. BAÁ ámirligi aýqymy boıynsha aýa raıynyń qolaısyzdyǵyna baılanysty ámirliktiń barlyq aýmaǵynda avtoturaq tegin bolady. Bilim berý basqarmasy da beısenbi, 10 naýryzda mektepter men bilim berý mekemeleri jabyq bolatynyn málimdedi.
Boljam boıynsha BAÁ-de nóser 2-3 kúnge sozylady.
