Dýbaıdaǵy záýlim ǵımaratqa jasalǵan shabýyldyń vıdeosy jarııalandy
ASTANA. KAZINFORM — Kýágerler túsirip alǵan kadrlarda Dýbaıdaǵy záýlim ǵımarattyń birinen órt shyǵyp, tútinniń kóterilip jatqanyn kórýge bolady, dep habarlaıdy TASS.
Irannyń memlekettik telearnasy Dýbaıdaǵy záýlim ǵımaratqa ushqyshsyz ushaqpen jasalǵan shabýyldyń saldaryn kórsetetin beınejazbany jarııalady.
Kýágerler túsirgen kadrlarda BAÁ astanasyndaǵy záýlim ǵımarattardyń birinde órt shyǵyp, tútin kóterilip jatqany kórsetilgen.
Irannyń memlekettik telearnasy bul ǵımarat Izraıl men AQSh kúshteri úshin baspana bolǵan dep málimdeıdi.
Aıta keteıik, Irandaǵy 6668 azamattyq nysan AQSh pen Izraıldiń shabýylyna ushyrady.
Prezıdent Qasym-Jomart Toqaev Irannyń ushqyshsyz ushý apparattary Nahchyvan qalasyndaǵy áýejaıdy atqylaýyna baılanysty ustanymyn málimdedi. Memleket basshysy baýyrlas, odaqtas Ázerbaıjan eline qarsy jasalǵan áreketti qatań aıyptaıdy.
Prezıdent bolǵan oqıǵanyń mán-jaıy Iran tarapymen birlesip egjeı-tegjeıli tergeletinine, sondaı-aq eki el arasyna syzat salǵan jaǵdaı aımaqtaǵy ahýaldy ýshyqtyrmaý úshin dıplomatııalyq tásilder arqyly retteletinine senim bildirdi.