Dýbaıdaǵy nóserge baılanysty elge qaıta almaǵan qazaqstandyqtar búgin oralady

ASTANA. KAZINFORM — Dál qazir 289 qazaqstandyq elge qaıta almaı Dýbaıda otyr. Air Astana áýe kompanııasy Dýbaıdan ushatyn reısterge qatysty sońǵy aqparatty jarııalady. 

Eske sala keteıik, Birikken Arab Ámirlikterinde nóser jaýyp, kósheler men ǵımarattardy sý alyp ketken bolatyn. 

Tabıǵı apattan zardap shekken aımaqtardyń qatarynda eldiń eń iri qalasy Dýbaı da bar. 15 sáýir kúni keshke bastalǵan jańbyr tolastaǵan joq.

Aýa raıynyń qolaısyzdyǵyna baılanysty Dýbaı halyqaralyq áýejaıynda kem degende 17 turaqty reıs toqtatylǵan. Reıstiń toqtatylýy, keshigýi jáne baǵytyn ózgertý kúni boıy tirkelip jatyr.

#dubai airport... pic.twitter.com/IQ8R4xdJDo

— Multiverse 2.0 (@multiverse1895) April 17, 2024

Birqatar qalada qoǵamdyq oryndarǵa barýǵa tyıym salynyp, keı baǵyttar boıynsha teńiz kóligi jáne avtobýstar qozǵalysy toqtatylǵan.

Áýe aılaǵyn sý basýyna baılanysty keshegi Dýbaı-Astana jáne Dýbaı-Almaty KC206 jáne KC898 reısteri Dýbaı ýaqytymen búgin, 17 sáýirde tıisinshe saǵat 10.30 jáne 13:10-da ushady dep josparlanyp otyr. 

«Jolaýshylardy termınalǵa ornalastyryp, olarǵa tamaq, sýsyn jáne jamylǵy berdik», - deıdi kompanııadan. 

Reısterdiń mártebesin myna siltemeden bilýge bolady.