Dýbaıdaǵy «Býrdj ál-Arab» qonaq úıi ýaqytsha jabylady
ASTANA. KAZINFORM – Býrdj ál-Arab qonaq úıi alǵash ret aýqymdy jóndeýden ótedi.
BAÁ-niń sımvolyna aınalǵan bes juldyzdy lıýks sanatyndaǵy bul nysan ashylǵannan beri alǵash ret jańǵyrtylady. Jóndeý jumystary 18 aı boıy kezeń-kezeńimen júrgiziledi.
Jumeirah Group bas dırektory Tomas Meıerdiń aıtýynsha, sońǵy 27 jyl ishinde qonaq úı joǵary servıs deńgeıin saqtap, álemdegi úzdik qonaqúılerdiń qatarynda boldy.
– Jańa renovatsııa baǵdarlamasy Býrdj ál-Arab tarıhyndaǵy kezekti mańyzdy kezeńdi ashady, – dedi ol Gulf News basylymyna.
Jobany frantsýz sáýletshisi Trıstan Oer basqarady.
Aıta keteıik, bul bastama Taıaý Shyǵystaǵy geosaıası jaǵdaıdyń lıýks týrızm segmentine áseri talqylanyp jatqan kezeńge tuspa-tus kelip otyr.
