Dýbaıdaǵy álem chempıonatynda qaı elden qansha boksshy fınalǵa joldama aldy

ASTANA. KAZINFORM – Dýbaıda ótip jatqan álem chempıonatynda fınalǵa qaı elden qansha boksshy shyqqany belgili boldy.

Álemdik dodada Reseı quramasynan 12 boksshy altynǵa talasady. Al Ózbekstan sapynan 6 boksshy fınalǵa joldama alsa, Qazaqstannan - 4, Ázerbaıjan, Belarýs, Qyrǵyzstan jáne Tájikstannan 1 boksshy jeńistiń eń bıik tuǵyryna kóterilýge múmkindik aldy. 

El quramasynan Sáken Bıbosynov, Orazbek Asylqulov, Sabyrjan Aqqalyqov jáne Abylaıhan Júsipov álem chempıonatynyń fınalynda judyryqtasady. 

54 keli. Sáken Bıbosynov - Vıacheslav Rogozın (Reseı)

57 keli. Orazbek Asylqulov - Hýsravhon Rahımov (Tájikstan)

71 keli. Abylaıhan Júsipov - Sergeı Koldenkov (Reseı)

75 keli. Sabyrjan Aqqalyqov - Ismaıl Mýtsolgov (Reseı).

Fınal 13 jeltoqsanda Qazaqstan ýaqytymen 18:00-de bastalady. 

Atalǵan dodada baq synaǵan otandastarymyz Temirtas Júsipov (48 keli), Ertýǵan Zeınýllınov (63,5 keli) qola júldeni qanaǵat tutty. Sondaı-aq qazaqstandyq Danııal Sábıt (51 keli), Serik Temirjanov (60 keli), Sanatáli Tóltaev (67 keli), Erasyl Jaqpekov (80 keli), Dáýlet Tólemisov (86 keli), Nýrmagamed ıÝsýpov (92 keli) jáne Nurlan Saparbaı (92 keliden joǵary) jarysty erte aıaqtady.

Halyqaralyq boks assotsıatsııasy (IBA) aıasynda ótip jatqan týrnırde bylǵary qolǵap sheberleri 13 salmaq dárejesi boıynsha baq synap jatyr. 

Jarystyń júlde qory qomaqty. Atap aıtar bolsaq, chempıon - 300 myń dollar, kúmis júldeger - 150 myń dollar, qola júldeger - 75 myń dollar, al shırek fınalǵa shyqqan boksshy 10 myń dollar alady.

Buǵan deıin Abylaıhan Júsipovtiń álem chempıonatynda alǵash ret fınalǵa shyqqanyn jazǵanbyz.