Dýbaıda jyl sońynda ushatyn taksıler paıdalanýǵa beriledi
ASTANA. QazAqparat - Dýbaı úkimeti germanııalyq startap Volocopter-men 2017 jyldyń sońynda áýe taksılerge iske qosý týraly kelisim jasady. Bul týraly The Verg e habarlady.
Volocopter-diń negizin qalaýshylardyń biri Aleksandr Zoseldiń aıtýynsha, Dýbaıdyń jol jáne kólik agenttigi kóptegen úmitkerlerdiń arasynan synaqtan ótkizgennen keıin onyń kompanııasyn tańdap alǵan. Synaq merzimi 5 jylǵa sozylady.
Volocopter 2X 160 kılogramm júkti tasymaldaýǵa qaýqarly. Ol eń kóp júktememen 27 shaqyrymǵa deıin saǵatyna 70 shaqyrym jyldamdyqpen usha alady. Qurylǵynyń maksımaldy jyldamdyǵy - 100 km/s. Aerotaksı qýaty 2 saǵatqa deıin jetetin elektr batareıasymen jumys isteıdi.
