Dýbaıda júrgizýshisiz avtobýs paıda boldy
ASTANA. QazAqparat - BAÁ-degi Dýbaı ámirlik-qalasynda kóshede adam basqarmaıtyn avtobýs júre bastady, dep habarlady Twitter áleýmettik jelisindegi óziniń mıkroblogynda BAÁ premer-mınıstri, Dýbaı ámirliginiń bıleýshisi Muhammed ben Rashıd Ál Maktým, dep jazady RIA Novostı.
«Dýbaı bolashaqtyń qalasynyń álemdik úlgisi retinde ózin-ózi basqaratyn kólik tehnologııasyn engizýdiń jáne damytýdyń synaq alańyna aınaldy», - dep jazdy ol «aqyldy» avtobýs sýretiniń astyna, ol on jolaýshyǵa arnalǵan.
Júrgizýshisiz avtobýspen kez kelgen kisi serýendeı alady. Ol ozyq sensorlyq datchık júıesimen jáne jolaýshylardyń qaýipsizdigin qamtamasyz etýdiń zamanaýı quraldarymen jaraqtanǵan. Avtobýs jol boıy qozǵalys ústinde lazermen ony adam basqaryp kele jatpaǵany týraly dabyl berip otyrady. Oıdaǵydaı testilik synaqtan ótkennen keıin Dýbaı úkimeti 2020 jyly Dýbaıda ashylatyn «EKSPO» halyqaralyq ónerkásiptik kórmesi kezinde týrısterdi tasymaldaý úshin osyndaı avtobýstardy satyp alady.
Sheıh Ál Maktým atap ótkendeı, Dýbaıda kólikti damytýdyń jańa strategııasyna sáıkes 2030 jylǵa qaraı kádimgi avtobýstardyń tórtten biri ózin-ózi basqaratyn kólik quraldaryna aýystyrylady.
