Dýbaıda jańa kórnekti oryn paıda bolady
ASTANA. QazAqparat - Bıylǵy jyldyń qarasha aıynda Dýbaıdaǵy ZabeelPark saıabaǵynda jańa kórnekti oryn paıdalanýǵa berilmek, dep habarlaıdy thefirstgroup.com.
2013 jyly bastalǵan jobanyń qurylysyna 43,6 mıllıon dollar jumsalǵan. Jaqtaýshanyń bıiktigi 150 metr, kólemi - 93 metr. Pishini fotosýret nemese kartınaǵa arnalǵan jaqtaýshany eske salatyn qurylys qalanyń kóptegen núktelerinen kórinedi. Onyń bir jaǵynan qazirgi zamanǵy Dýbaıdy, al, ekinshi jaǵynan qalanyń kóne bóligin kórýge bolady.
BAQ málimetinshe, ǵımarattyń birinshi qabatynda mýzeı jáne kórme zaldary ashylady dep josparlanyp otyr. Keń kólemdi lıft kelýshilerdi búkil qala kórinetindeı bıiktikke kóteredi.
