Dýbaıda jaǵajaıǵa qoqys tastaıtyndardy drondar qadaǵalaıdy
ASTANA. QazAqparat - Dýbaı mýnıtsıpalıteti (BAÁ) qalalyq jaǵajaılardy lastaıtyn azamattardy baqylaý úshin ushqyshsyz basqarylatyn apparattardy paıdalanbaq, dep jazady Gulf News.
Dýbaıdyń qaldyqtardy basqarý departamenti eksperıment aıasynda ushqyshsyz basqarylatyn bir drondy satyp aldy. Sheneýnikterdiń aıtýynsha, ony paıdalaný tıimdi bolyp shyǵyp, oń nátıjelerin berip jatyr. Departament jaǵajaılar men shólderdiń jaǵdaıyn ınspektsııalaý úshin taǵy eki drondy satyp almaqshy.
Bastapqyda ushqyshsyz basqarylatyn qural Ál-Qusaıys, Jebel-Álı jáne Ál-Varsan aýdandaryndaǵy qoqys tógý oryndaryn qadaǵalaýy tıis edi. Erejelerge sáıkes, onda úıilngen qoqystyń bıiktigi 30 metrge jetedi, al olardy ınspektorlar onda jete almaıdy. Ushqyshsyz basqarylatyn apparat olardy jaǵymsyz jumystan bosatyp, ýaqyttaryn únemdeıdi.
Dýbaıda qaldyqtardy basqarý departamentiniń dırektory Abdýl Májıd Ál Saıfaıeniń aıtýynsha, drondar jaǵajaılar men demalys oryndaryn, shól dalany lastap otyrǵan adamdardy, sondaı-aq júk kólikterinen qaldyqtardy zańsyz tógilýin qadaǵalaıdy. Ushqyshsyz basqarylatyn quraldar qalanyń túrli aýdandarynda ushyp, tártip buzýshylardy joǵary bıiktikten sýretke túsiredi.
BAÁ-da drondardyń jumysy zań júzinde 2015 jyldyń sáýir aıynan bastap rettelýde. Taspalary bar drondardy turǵyn aýdandarda paıdalanýǵa tyıym salynǵan. Ushý 122 metrden aspaıtyn bıiktikte, qolaıly kún raıy jaǵdaıynda ruqsat etilgen.
