Dýbaıda turýǵa ruqsat alý sharttary jeńildetildi
ASTANA. KAZINFORM – Dýbaı jyljymaıtyn múlikke ınvestıtsııanyń eń tómengi somasyn alyp tastady, bul arqyly turýǵa ruqsat (VNJ) alýǵa bolady, dep habarlaıdy TASS.
Dýbaı qalasynda BAÁ-de turýǵa ruqsat alý úshin jyljymaıtyn múlikke salynatyn ınvestıtsııanyń eń tómengi mólsheri týraly talap alynyp tastaldy. Bul týraly DLD Cube tsıfrlyq platformasynda habarlandy.
Jańartylǵan erejelerge sáıkes, endi jyljymaıtyn múliktiń jalǵyz ıesi nysannyń eń tómengi qunyn kórsetpeı-aq qalada turý úshin ótinish bere alady. Al ortaq menshik ıeleri úshin belgilengen shek saqtalady — keminde 400 myń dırham (shamamen 109 myń dollar).
Buǵan deıin jeke ınvestorlar úshin jyljymaıtyn múliktiń eń tómengi quny 750 myń dırham (shamamen 204 myń dollar) bolýy tıis edi.
DLD Cube platformasy ınvestorlarǵa Dýbaıdyń jyljymaıtyn múlik naryǵyndaǵy operatsııalarǵa baılanysty rásimderdi jeńildetip, jedeldetýge kómektesetin klıenttik ortalyq qyzmetin atqarady.
Eske salaıyq, Túrkııada sheteldikterdiń turaqty turýyna beriletin ruqsat quny qymbattady.
